Huawei-nin yeni flaqman cihazı MWC 2017-ci ildə təqdimata hazırlaşır.
Huawei, səs gətirəcək yeni bir cihaz ilə qarşımıza çıxmağa hazırlaşır. Hal-hazırda Honor 8 və Honor 8 Lite cihazlarını təqdim edən Huawei, bu iki cihaz da orta səviyyə cihaz istifadəçilərini hədəf almışdı.
Milli.Az technote.az-a istinadən bildirir ki, ancaq Huawei, MWC 2017-ci ildə səs salmağa qərarlıdır. Honor 8 ailəsinə yeni bir üzv daha qatacaq olan Huawei, bu dəfə flaqman cihaz istifadəçilərini hədəf alacaq. Bu məzmunda təqdim olunacaq cihaz isə Huawei 8 Pro-dur.
Əslində daha əvvəl təqdim olunan və bu ayın sonunda Çində satışa çıxacağı gözlənilən Huawei V9-un beynəlxalq versiyası olaraq qarşımıza çıxan Honor 8 Pro, buna baxmayaraq bəzi xüsusiyyətləri ilə V9-u geridə qoyur.
Huawei 8 Pro-nun xüsusiyyətləri bunlardır:
5.7-inç Quad HD(1440x2560 piksel) ekran
2.4GHz Kirin-960 prosessor
6GB RAM
128GB artırıla bilən yaddaş sahəsi
3900mAh batareya
12 meqapiksel arxa, 8 meqapiksel ön kamera
Barmaq izi oxuyucu sensor
Android 7.0 Nougat
MWC 2017-ci ildə təqdim olunacaq Honor 8 Pro-nun Mart ayında satışa çıxması gözlənilir.
Milli.Az
Digər maraqlı xəbərlər Milli.Az-ın Facebook səhifəsində
