İran şahmatçısı Dorsa Derəhşani yarışlardan birində hicab taxmadığına görə milli yığmadan uzaqlaşdırılıb.
18 yaşlı idmançı İspaniyada təhsil alır və yarışda iştirak üçün müstəqil müraciət edib. Onun kiçik qardaşı Borner Derahşanini də komandadan uzaqlaşdırmaq cəzası gözləyə bilər. Qardaşının komandadan uzaqlaşdırılmasına səbəb isə İsrail komandasının üzvünə qarşı oynamağı qəbul etməsi olub.
İran Şahmat Federasiyasının prezidenti Mərdad Pəhləvanzadə məsələyə münasibət bildirərkən “Bu adamlarla mübarizədə ilk addım onları komandadan uzaqlaşdırmaqdır. Çünki onlar İran adı ilə oynayırlar. Bundan sonra onlar milli komandada oyanaya bilməyəcəklər”,- deyə vurğulayıb.
Qeyd edək ki, Dorsa Derəhşani gənclər arasında 6 qat dünya çempionudur.(cebhe.info)
Fanat.Az
