Azərbaycanın voleybolçu qadınlardan ibarət "Telekom" klubu bu gün Çempionlar Liqasında V tur matçına çıxacaq.
Milli.Az goal.az-a istinadən xəbər verir ki, A qrupunun V tur matçında rəqib Polşa "Ximik"i olacaq.
Şçetsin şəhərindəki "Azotı Arena"da keçiriləcək görüş Bakı vaxtı ilə saat 21:00-da başlanacaq. Oyunu sloveniyalı Blaj Markel və isveçli Stefan Bernströmdən ibarət hakimlər dueti idarə edəcək.
4 turdan sonra "Ximik" A qrupunda 6 xalla 3-cü pillədədir. Hələ xal qazana bilməyən "Telekom" isə sonuncudur. Qrupun ilk iki pilləsində İtaliyanın "Modena" və "Konelyano" komandaları yer alıb. Onların müvafiq olaraq, 11 və 7 xalları var.
Milli.Az
Digər maraqlı xəbərlər Milli.Az-ın Facebook səhifəsində