"Seltik"in gənc ulduzu Mussa Dembele uğrunda mübarizə qızışır. Fanat.Az xəbər verir ki, 20 yaşlı hücumçu uğrunda mübarizəyə daha bir Avropa nəhəngi qoşulub.
"The Daily Mirror"ın xəbərinə görə, Mali əslli fransız futbolçunu "Real" da heyətinə qatmaq istəyir. "Kral Klubu" Dembele uğrunda yarışda "Bavariya", "Mançester Yunayted" və "Çelsi" ilə mübarizə aparır.
Qeyd edək ki, "Seltik" Dembeleni 2016-cı ildə "Fulhem"dən pulsuz transfer edib. Fransa U-21-nin üzvü cari mövsümdə Şotlandiya klubunun heyətində 41 rəsmi oyuna çıxıb və 27 qol vurub.
Fanat.Az
