Bakı. 21 fevral. REPORT.AZ/ İngiltərənin "Bləkbörn Rovers" futbol klubunun baş məşqçisi Ouen Koyl öz postunu tərk edib.
"Report" xəbər verir ki, bu barədə çərşənbə axşamı məlum olub.
Klubun mətbuat xidməti 50 yaşlı mütəxəssislə müqavilənin qarşılıqlı şərtlər əsasında pozulduğunu bildirib. Koylun istefaya göndərilməsinə komandanın İngiltərə Kubokunun 1/8 finalında 1:2 hesabı ilə "Mançester Yunayted"ə məğlub olaraq turniri tərk etməsi səbəb olub.
Komanda ölkə çempionatında 29 xalla turnir cədvəlinin 23-cü pilləsində qərarlaşıb.