Alina Kabayeva qapalı həyat tərzinə üstünlük verir və ictimai tədbirlərdə nadir hallarda görünür. Lakin o, bu yaxınlarda adətini pozub və uzun müddət ərzində ilk dəfə bədii gimnastika üzrə "Qran-pri Moskva 2017” beynəlxalq turnirinin açılışında iştirak edib.
Fanat.Az publika.az-a istindən xəbər verir ki, Kabayeva tədbir üçün bədən quruluşunu vurğulayan ağ rəngli paltar seçib.
Pərəstişkarları və rusiyalı jurnalistlər keçmiş idmançı artıq çəkilərindən xilas olduğunu bildirib. Məsələ ondadır ki, Kabayeva bir neçə il əvvəl inanılmaz dərəcədə kökəlmişdi.
Keçmiş idmançı qonaqların qarşısında çıxış edərək nitqində belə tədbirlərin keçirilməsinin vacibliyini vurğulayıb. Kabayevanın sözlərinə görə, gənc gimnastlar üçün peşəkar idmançıların çıxışlarını izləmək imkanı əldə etmək və onların təcrübəsindən öyrənmək vacibdir.
Qeyd edək ki, Alina Kabayevanın Rusiya prezidenti Vladimir Putinlə sevgili olduğu, hətta gizlicə evləndiyi bildirilir. Onların uşaqlarının olduğu da deyilir.
Fanat.Az
