Bakı. 22 fevral. REPORT.AZ/ Martın 3-də “ALKE İnşaat Sənaye və Ticarət” ASC-nin səhmdarlarının növbədənkənar ümumi yığıncağı keçiriləcək.
"Report" xəbər verir ki, bu barədə rəsmi mətbuatda məlumat verilib.
Məlumata görə, yığıncaq müəssisənin baş ofisinin yerləşdiyi Bakı şəhəri, Nərimanov rayonu, Əhməd Rəcəbli küçəsi, 2/26 ünvanında baş tutacaq.
Yığıncağın gündəliyinə şirkətin nizamnamə kapitalının artırılması məsələsi daxildir.
Xatırladaq ki, “ALKE İnşaat Sənaye və Ticarət” ASC 2011-ci ildə yaradılıb. Hazırda onun nizamnamə kapitalı 4 010 manatdır.
