Bakı. 22 fevral. REPORT.AZ/ “Azərbaycan Xəzər Dəniz Gəmiçiliyi” QSC körpülü kranların və kranaltı yolların əsaslı təmiri, eləcə də yuyucu vasitələrin satın alınması məqsədilə açıq müsabiqələr elan edib.
“Report” xəbər verir ki, bu barədə rəsmi mətbuatda məlumat verilib.
Məlumata görə, müsabiqələrdə iştirak etmək istəyən şəxslər www.acsc.az səhifəsinə daxil olmaqla elanlar bölməsindən əlavə sənədləri və ətraflı məlumat əldə edə bilərlər.
Müraciət üçün son tarix martın 1-dir. Sənədlər Bakı şəhəri, Rəsulzadə küçəsi,5 ünvanında qəbul edilir (tel.: (012) 493 41 52).
