Azərbaycan universitetlərindən birində əmək haqları artırılıb

Azərbaycan universitetlərindən birində əmək haqları artırılıb
10:37 22 Fevral 2017
123 Ölkə
Ölkə mətbuatı
A- A+

Bakı. 22 fevral. REPORT.AZ/ Azərbaycan Dillər Universitetində (ADU) əmək haqları artırılıb.
Universitetin mətbuat xidmətindən "Report"a verilən məlumata görə, ADU-nun rektoru vəzifəsini icra edən professor Əfqan Abdullayev təhsil müəssisəsində eyni vəzifə və eyni elmi adlara malik olan əməkdaşların əmək haqlarında olan süni diferensiallaşdırmanın aradan qaldırılması məqsədi ilə əmr imzalayıb. 
Əmrə əsasən universitet əməkdaşlarının əmək haqlarına yenidən baxılıb.
2017-ci il yanvar ayınını 1-də ştat cədvəlinə edilən dəyişikliyə əsasən rəhbər vəzifəni tutan işçilər istisna olmaqla inzibati idarəetmə və xidmətedici heyətdə çalışan işçilərin əmək haqqı təxminən 10 faiz artırılıb. Məlumata görə, dəyişiklik nəticəsində ADU-da müəllimin əmək haqqında artım 50 manat, elmlər namizədi olan müəllimin əmək haqqında 200 manat, elmlər namizədi olan baş müəllimin əmək haqqında 150 manat, dosent-elmlər doktorunun əmək haqqında 200 manat, professor-elmlər doktorunun əmək haqqında isə 250 manat təşkil edir.

Xəbərin orijinal ünvanı: https://report.az/elm-ve-tehsil/azerbaycan-universitetlerinden-birinde-emek-haqlari-artirilib

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR