KİV: ABŞ Dövlət Departamentində 100-dən çox vakant vəzifə boş qalıb

KİV: ABŞ Dövlət Departamentində 100-dən çox vakant vəzifə boş qalıb
15:12 22 Fevral 2017
104 Dünya
Ölkə mətbuatı
A- A+

Bakı. 22 fevral. REPORT.AZ/ ABŞ Dövlət Departamentində idarəçi vəzifələrinə 100-dən çox vakant yer qalıb.
"Report" "İntefaks"a istinadən xəbər verir ki, bu barədə "Washington Times" qəzeti yazıb.
Nəşr hazırda boş qalan səfir vəzifəslərinə hələ mümkün namizədlərin adlarının belə açıqlanmadığını qeyd edib. Dövlət Departamentinin mətbuat xidməti isə bu məlumatlara şərh verməkdən imtina edib.
Qəzetin mənbələrindən biri əsas vəzifələrə təyinatların bir qədər vaxt apardığını bildirib. Mənbə zəngin karyeraya malik diplomatların Dövlət Departamentində hərbi-siyasi işlər idarəsi, demokratiya, insan hüquqları və əmək münasibətləri, narokotiklərə beynəlxalq nəzarət və s. bürolarda yüksək vəzifələr tutduğunu vurğulayıb. Nəşr isə mövcud rəhbərliyin Dövlət Departamentinin strukturunda dəyişikliklər etmək və bəzi yüksək vəzifələri ləğv etmək ehtimalını ortaya atıb.
Qəzet yazıb ki, hazırda Dövlət Departamentinin birinci dərəcəli 9 rəhbər postundan 7-si vakantdır. Nəşr Dövlət Departamentinin son ənənəvi brifinqinin yanvarın 19-da baş tutduğunu xatırladaraq, jurnalistlər istədikləri məlumatları ala bilməməsini önə çəkib.

Xəbərin orijinal ünvanı: https://report.az/diger-olkeler/ki-v-abs-dovlet-departamentinde-100-den-cox-vakant-vezife-bos-qalib

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR