Bakı. 23 fevral. REPORT.AZ/ Azərbaycanın voleybolçu qadınlardan ibarət "Azərreyl" klubu bu gün Çempionlar Liqasında V tur matçına çıxacaq. "Report"un məlumatına görə, rəqib Türkiyə "Fənərbağça"sı olacaq.
Bakıdakı Voleybol Mərkəzində keçiriləcək görüşü rusiyalı ALeksandr Pavlov və yunanıstanlı Epaminondos Gerotodorosdan ibarət hakimlər briqadası idarə edəcək.
4 turdan sonra "Fənərbağça" 12 xalla C qrupuna başçılıq edir və növbəti mərhələyə vəsiqəni təmin edib. 9 xalla 2-ci pillədə olan "Azərreyl" də bu hüquqa vaxtında əvvəl yiyələnmək üçün Türkiyə təmsilşisindən 2 set almağı bacarmalıdır.
Qeyd edək ki, oyun saat 18:00-da başlanacaq.