Hıçqırıq sinə boşluğu ilə qarın boşluğunu bir-birindən ayıran diafraqma əzələsinin birdən sıxılması nəticəsində reallaşan ani nəfəs alışıdır.
Hıçqırıq tutması adətən mədə qazı, isti və ədviyyatlı yeməklər və sinir pozğunluğundan qaynaqlana bilir.
2 saat və daha artıq davam edən ürək, qaraciyər, bağırsaq və pankreas, plevrit xəstəlikləri ilə bağlı olan hıçqırıqlar da var.
Metbuat.az diafraqmanın idarə edilməməsi nəticəsində yaranan hıçqırıqlardan qurtulmağın yollarını təqdim edir:
- Önə doğru əyilərək su içmək.
- Yarım çay qaşığı sirkəni suyla qarışdırıb için.
- Bir çay qaşığı şəkər tozunu ağzınızda udmadan əriməsini gözləyin, üstündən bir bardaq su için.
- Fısdıq əzməsi udun.
- Bir bardaq suya yarım limon sıxıb için.
- Kisə kağızının içindən nəfəs alıb-verin.
- Bir qaşıq çobanyastığını suda saxlayıb için.
- Bir qaşıq hili bir bardaq su ilə qarışdırıb, 10 dəqiqə saxladıqdan sonra için.
- Nəfəsinizi tuta bildiyiniz qədər tutun və yavaş bir şəkildə verin. Bu prosesi bir dəfə təkrarlayın.
- 1 bardaq soyuq suya 1 qaşıq bal əlavə edin və bunu için.
Aysel Yaqubqızı / Metbuat.az