Bakı. 23 fevral. REPORT.AZ/ Yao Min Çin Basketbol Federasiyasının prezidenti seçilib. "Report"un TSN-ə istinadən verdiyi məlumata görə, 37 yaşlı əfsanəvi basketbolçu bu vəzifəyə yekdilliklə layiq görülüb.
Bildirilir ki, Yao Minin federasiyaya rəhbər seçiməsi islahatlar proqramının bir hissəsidir. Əvvəllər bu postu yalnız hökumət məmurları tutub.
Qeyd edək ki, 2,29 m boya malik sabiq basketbolçu 10 dəfə "NBA ulduzları" oyunlarında iştirak edib. Karyerasını 2011-ci ildə başa vuran Yao Min "Hyuston"un heyətində 486 oyun keçirib.
