Azərbaycanda beynəlxalq “Most Fashionable Awards” mükafatlandırma mərasimi keçiriləcək.
Publika.az xəbər verir ki, gecədə müğənnilər, aktyorlar, ictimai xadimlər, rejissorlar, stilistlər, media işçiləri, modellər, idmançılar və digər sahələrin tanınmış simaları əldə etdiyi nailiyətlərə görə mükafatlandırılacaq.
Birinci turda xalqın sosial media üzərindən səsverməsi yolu ilə iştirakçılar müəyyənləşir və ikinci tura keçir. İkinci turda isə hər biri öz kateqoriyasında ən çox səs toplamış 5 iştirakçı “Top-5” siyahısına düşəcək və final mərhələsinə vəsiqə qazanacaq.
Finala keçən iştirakçılar ən yaxşı beşlikdə olduqları üçün beynəlxalq sertifikatla təltif olunacaqlar. Sertifikatlar Avropdan birbaşa göndəriləcək və “Dünya Gözəllik Konqresi”nin (WBC) prezdenti tərəfindən təqdim olunacaq.
Qeyd edək ki, "Most Fashionable Awards Ceremony" mükafatlandırma
mərasimi hər il dünyanın 50-dən çox ölkəsində keçirilir.