İraqın təhlükəsizlik qüvvələri ABŞ-ın rəhbərlik etdiyi koalisiyanın dəstəyi ilə İŞİD terror təşkilatının nəzarət etdiyi ərazidə yerləşən Mosulun əsas aeroportuna hücuma keçiblər.
Milli.Az bu barədə oxu.az-a istinadən xəbər verir.
"Çevik reaksiya qüvvələri, federal polis və terror əleyhinə mübarizə bölükləri Mosul aeroportuna və Əl-Qalyani hərbi düşərgəsinə hücum ediblər", - agentlik dövlət televiziyasının məlumatından sitat gətirib.
Fevralın 19-da İraqın baş naziri Heydar əl-Abadi İŞİD-in nəzarət etdiyi Mosulun qərb hissəsinin azad edilməsi üzrə əməliyyatın başlanmasını elan edib. Onun sözlərinə görə, ilkin məsələ terrorçuların əlindən dinc əhalini xilas etməkdir.
Milli.Az
Digər maraqlı xəbərlər Milli.Az-ın Facebook səhifəsində