Azərbaycan milli komandasının və Türkiyənin "Bursaspor" klubunun futbolçusu Deniz Yılmaz 2 oyunluq cəzalanıb.
Bu barədə Türkiyə Futbol Federasiyasının Nizam-İntizam Komitəsi qərar çıxarıb.
Səbəb kimi təcrübəli hücumçunun Super Liqanın XXI tur matçında "Kayserispor"un futbolçusuna qarşı ciddi kobudluğu göstərilib.
Qeyd edək ki, "Bursaspor" növbəti 2 turda "Kasımpaşa" ilə fevralın 24-də səfərdə, "Qaziantepspor"la isə martın 4-də evdə üz-üzə gələcək.
Fanat.Az
