Azərbaycan və Serbiyanın aşağı yaş qruplarından ibarət milli komandaları arasında yoxlama oyunları keçriləcək. Fanat.Az xəbər verir ki, AFFA-nın baş katibi Elxan Məmmədovla Serbiya Futbol Federasiyasının prezidenti Slavişa Kokeza arasında razılıq əldə olunub.
Bu barədə Serbiya mətbuatı məlumat yayıb. Elxan Məmmədovla Slavişa Kokeza arasında görüş olub. UEFA-nın İcraiyyə Komitəsinin üzvlüyünə namizəd olan Exan Məmmədov Slavişa Kokeza ilə iki ölkənin futbol federasiyası arasındakı əməkdaşlıq məsələlərini müzakirə ediblər.
Qeyd edək ki, UEFA İcraiyyə Komitəsinə seçkilər aprelin 5-də Finlandiyanın paytaxtı Helsinki şəhərində keçiriləcək. Kokeza görüş zamanı Elxan Məmmədovu dəstəklədiyini bildirib. Elxan Məmmədov UEFA-nın İcraiyyə Komitəsinin üzvlüyünə namizəd olan 13 nəfərdən biridir.
Fanat.Az
