Nəqliyyat, Rabitə və Yüksək Texnologiyalar Nazirliyinin (NRYTN) Məlumat Hesablama Mərkəzində (MHM) Birləşmiş Millətlər Təşkilatının (BMT) nəzdində dənizə çıxışı olmayan, inkişaf etməkdə olan ölkələr üçün Beynəlxalq Analitik Mərkəzin nümayəndələri ilə görüş keçirilib.
Publika.az xəbər verir ki, görüşdə BMT-nin
araşdırmalarına əsasən, Azərbaycan dənizə çıxışı olmayan 32 ölkə
arasında İKT sahəsində 1-ci yerdə qərarlaşdığı bildirilib.
Beynəlxalq Analitik Mərkəzinin Monqolustandan olan nümayəndəsi
Sansar Sosarbaram qeyd edib ki, aparılan təhlillər nəticəsində
Azərbaycanda İKT sahəsində davamlı olaraq uğurlu layihələr həyata
keçirildiyi müəyyən olunub.
Görüş zamanı elektron hökumət, elektron imza, elektron
təhlükəsizlik və ümumiyyətlə, elektron quruculuq mövzusunda geniş
müzakirələr aparılıb.
Sonda gələcək planlar haqqında qonaqları maraqlandıran bir çox
suallar MHM-in mütəxəssisləri tərəfindən çavablandırılıb.
