Bakı. 24 fevral. REPORT.AZ/ Türkiyə Silahlı Qüvvələri və Suriya Azadlıq Ordusunun terrorçulardan təmizlədiyi Əl-Bab rayonundan 7 km aralıda yerləşən Susian qəsəbəsində partlayış törədilib.
“Report” “Aljazeera”ya istinadən xəbər verir ki, bomba yüklənmiş avtomobillə intiharçı-kamikadzenin hücumu nəticəsində 45-ə yaxın insan ölüb, xeyli sayda adam yaralanıb.
Ölənlərin çoxu mülki sakinlərdir. Onlar əsasən atışmalara görə tərk etdikləri evlərinə qayıdanlardır.
Məlumata görə, hücumun məsuliyyətini üzərinə götürən olmasa da, partlayışı törətməkdə terrorçu İŞİD qruplaşmasından şübhələnilir.
