Azərbaycanın olimpiya və dünya çempionu karyerasında dördüncü dəfə çəki dərəcəsini dəyişəcək

Azərbaycanın olimpiya və dünya çempionu karyerasında dördüncü dəfə çəki dərəcəsini dəyişəcək
15:42 24 Fevral 2017
175 İdman
Ölkə mətbuatı
A- A+

Bakı. 24 fevral. REPORT.AZ/ 2016-cı il Rio-de-Janeyro Yay Olimpiya Oyunlarında qızıl medal qazanmış Azərbaycan sərbəst güləşçisi Toğrul Əsgərov gələcək yarışlarda 65 kq çəki dərəcəsində çıxış etməyəcək. “Report”un məlumatına görə, bu barədə sərbəst güləş üzrə Azərbaycan yığma komandasının baş məşqçisi Firdovsi Umudov məlumat verib.
Umudov bildirib ki, 25 yaşlı hazırda zədəlidir və əməliyyat olunacaq: “Toğurulun boyun nayihəsindən ağır zədəsi var. O, əməliyyat olunacaq. Daha sonra bərpa prosesi gəlir. Belə olan halda onun əvvəlki kimi 65 kq çəki dərəcəsində çıxış etməsi çətin məsələdir. Toğrul çəki dərəcəsin dəyişəcək”.
Qeyd edək ki, Toğrul Əsgərov karyerası ərzində üçüncü dəfə çəki dərəcəsini dəyişməli olacaq. O, 2010-cu ildə dünya çempionu adını 55 kq çəki dərəcəsində əldə edib. 2012-ci il Avropa çempionatı və London Yay Olimpiya Oyunlarında Əsgərov 60 kq çəki dərəcəsində olimpiya çempionu olub. O, "Bakı 2015" I Avropa Oyunlarında qızıl və 2016-cı il Rio-de-Janeyro Yay Olimpiya Oyunlarında gümüş medalı isə 65 kq çəki dərəcəsində qazanıb.

Xəbərin orijinal ünvanı: https://report.az/ferdi/azerbaycanli-olimpiya-cempionu-karyerasinda-dorduncu-defe-ceki-derecesini-deyisecek

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR