MNBP sədri Dünya Bankının missiyasını qəbul edib

MNBP sədri Dünya Bankının missiyasını qəbul edib
18:22 24 Fevral 2017
Ölkə mətbuatı
A- A+

Bakı. 24 fevral. REPORT.AZ/ Maliyyə Bazarlarına Nəzarət Palatası (MNBP) Direktorlar Şurasının sədri Rüfət Aslanlı Azərbaycanda səfərdə olan Dünya Bankının (WB) maliyyə sektoru üzrə baş mütəxəssis Anjela Priqojinanın rəhbərlik etdiyi nümayəndə heyətini qəbul edib. Bu barədə “Report”a MNBP-nin mətbuat xidmətindən məlumat verilib.
R.Aslanlı bildirib ki, WB-nin bu dəfəki missiyası çərçivəsində maliyyə bazarlarına nəzarət üzrə mövcud qanunvericiliyin beynəlxalq təcrübəyə əsasən təkmilləşdirilməsi istiqamətində məhsuldar müzakirələr olub. Görüşdə həmçinin bankların rezolusiyası və likvidliyinin tətbiqi mexanizmlərinin və hüquqi çərçivəsinin genişləndirilməsi istiqamətdə Palatanın fəaliyyətinə dəstək imkanları müzakirə edilib.
Bundan əlavə Əmanətlərin Sığortalanması Fondunun (ADİF) fəaliyyətinin beynəlxalq təcrübəyə uyğun təkmilləşdirilməsi, maliyyə sektorunda istehlakçıların hüquqlarının müdafiəsinin təmin olunması, eləcə də qeyri-işlək aktivlərin restruktizasiyası və idarə edilməsi üzrə hüquqi mexanizmlərin yaradılmasına dəstək mexanizmlərinə dair geniş fikir mübadiləsi aparılıb. 

Xəbərin orijinal ünvanı: https://report.az/maliyye/mnbp-sedri-dunya-bankinin-missiyasini-qebul-edib

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR