Bakı Metropoliteni "Cəfər Cabbarlı" stansiyasından "Xətai" stansiyası istiqamətində hərəkət edəcək sərnişinlərin nəzərinə çatdırır ki, sabah - fevralın 26-da metronun "Xətai" stansiyası saat 12:00-a qədər bağlı olacaq.
Milli.Az xəbər verir ki, bu barədə "Bakı Metropoliteni" QSC-nin mətbuat xidməti və ictimaiyyətlə əlaqələr şöbəsinin rəisi Nəsimi Paşayev bildirib.
Onun sözlərinə görə, "Xətai" stansiyasına giriş saat 12:00-dan etibarən açılacaq, 15:00-dan etibarən "Cəfər Cabbarlı" və "Xətai" stansiyaları normal qrafiklə fəaliyyətini davam etdirəcək.
Qeyd edək ki, fevrralın 26-da Azərbaycanda Xocalı soyqırımı faciəsinin 25-ci ildönümü qeyd edilir. Bununla bağlı Bakıda əsas tədbir "Ana harayı" Xocalı soyqırımı abidəsinin qarşısında olacaq. Bu abidə isə metronun məhz "Xətai" stansiyasının düz önündə yerləşir.
İlkin İzzət
Milli.Az
Digər maraqlı xəbərlər Milli.Az-ın Facebook səhifəsində
