Əfqanıstanda “Taliban” hərəkatının liderlərindən biri məhv edilib.
APA-nın TASS agentliyinə istinadən verdiyi xəbərə görə, pilotsuz təyyarənin hərbi düşərgəni atəşə tutması nəticəsində “Taliban” hərəkatının Gündüz əyalətindəki liderlərindən biri olan Abdul Salam öldürülüb.
Məlumata görə, atəş nəticəsində daha 2 silahlı məhv edilib.
Qeyd edək ki, son bir neçə ay ərzində Əfqanıstanın Nanqarxar, Gilmənd, Loqar və Gündüz əyalətlərində vəziyyət gərginləşib. "Taliban" və İŞİD silahlılarının fəallığı daha da artıb.
