Kimi şumlanmış torpaqda tərəvəz əkir, kimisi isə heyvanları otarır... Milli.Az xezerxeber.az-a istinadən bildirir ki, cəbhəyanı kəndlərdə həyat öz axarı ilə davam edir.
Təmas xəttinə yaxın yerləşən və 5 min nəfər əhalisi olan, aprel döyüşləri zamanı 200-dən çox evə ziyan dəyən Ağdamın Qaradağlı kəndində həyat normal şəkildə davam edir.
Son günlər cəbhədə vəziyyətin daha gərgin olmasına və atəşkəsin intensiv şəkildə pozulmasına baxmayaraq sakinlər orduya güvəndiklərini və heç nədən qorxmadıqlarını deyirlər.
Hazırda cəbhənin bu istiqamətində nisbi sakitlik hökm sürür.
Milli.Az
