Rusiyanın ən güclü tanklarından biri Yaxın Şərqə yola düşür.
Publika.az SİTA agentliyinə istinadən xəbər verir ki, Rusiya Yaxın Şərqdə müasir döyüş tankı olan T-90MS üçün alıcı tapıb.
Müqavilə imzalansa da, Moskva tankın alıcısının məhz hansı ölkə olduğunu açıqlamayıb.
“2016-cı ilin dekabr ayında Yaxın Şərq ölkələrindən biri ilə böyük müqavilə imzalanıb. Yaxın vaxtlarda hərbi məhsulun bu növünün satışı ilə bağlı daha bir müqavilənin imzalanması nəzərdə tutulur”, - sənaye və ticarət naziri Denis Manturov informasiya agentliyinə bildirib.
Xarici bazar üçün xüsusi olaraq, yaradılan yeni tankın istehsalı hazırda kiçik templərlə gedir.
“T-90MS tanklarının kiçik seriyalı istehsalı qaydaya salınıb. Seriya istehsalın həcmini artıra biləcək texnoloji proseslər yerinə yetirilib”, - general Aleksey Maslov qeyd edib.
Ömər Dağlı