Yaponiya səfiri Azərbaycan QHT-ləri ilə üç layihə üzrə saziş imzalayıb

Yaponiya səfiri Azərbaycan QHT-ləri ilə üç layihə üzrə saziş imzalayıb
14:02 27 Fevral 2017
105 Ölkə
Ölkə mətbuatı
A- A+

Bakı. 27 fevral. REPORT.AZ/ Yaponiyanın Azərbaycandakı səfiri Tsuquo Takahaşi Azərbaycanın qeyri-hökumət təşkilatlarının (QHT) rəhbərləri ilə "Ot kökləri və İnsan Təhlükəsizliyi" proqramının inkişaf layihələri üzrə saziş imzalayıb.
"Report" xəbər verir ki, saziş Ağsu, Şamaxı və Lənkəran rayonlarında su təchizatı və kanalizasiya sisteminin yaxşılaşdırılmasını nəzərdə tutur.
Səfir imzalama mərasimində bildirib ki, "Ot kökləri və İnsan Təhlükəsizliyi" proqramı çərçivəsində güzəştli kreditlərin verilıməsi dağlıq ərazilərdə və sudan məhrum ərazilərdə su təchizatı sisteminin təkmilləşdirilməsinə kömək edəcək.
Azərbaycanın "Vətəndaşların Əmək Hüquqlarının Müdafiəsi Liqası" QHT-nin sədri Sahib Məmmədov Azərbaycan tərəfinin yapon xalqının ölkənin inkişafına töhfəsini yüksək qiymətləndirib. QHT rəhbəri bu layihələrin sayəsində 500 nəfərlik say tərkibinə malik 200-dən çox ailənin su əldə edəcəyini vurğulayıb.
Qeyd edək ki, layihələr üzrə saziş "Vətəndaşların Əmək Hüquqlarının Müdafiəsi Liqası", "Azərbaycan Gənclərinin Hüquqlarının Müdafiəsi Mərkəzi" və "Qlobal humanitar təşkilat" QHT-lərin rəhbərləri tərəfindən imzalanıb.

Xəbərin orijinal ünvanı: https://report.az/xarici-siyaset/yaponiya-sefiri-azerbaycan-qht-leri-ile-uc-layihe-uzre-sazis-imzalayib

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR