Futbol üzrə Azərbaycan Premyer Liqasında 20-ci tura start verilib.
Publika.az xəbər verir ki, həftənin açılış oyununda AZAL klubu "Neftçi" komandasını qəbul edib.
Şüvəlanda baş tutan görüşün taleyini bir qol həll edib. Matçın 4-cü dəqiqəsində qonaqların ispaniyalı hücumçusu Daniel Seqoviyanın vurduğu qol "Neftçi"yə qələbə qazandırıb.
Bu qalibiyyətdən sonra "Neftçi" xalını 20-yə çatdırsa da, turnir cədvəlində 6-cı, AZAL isə 8 xalla 8-ci pillədə qalıb.
Günün digər matçında da eyni hesab qeydə alınıb. "Zirə" "Sumqayıt"la ev oyununda minimal hesablı qələbə qazanıb. Zirə İdman Kompleksinin stadionundakı qarşılaşmada yeganə topu 35-ci dəqiqədə Riçard Qadze vurub. Bununla da turnir cədvəlinin 4-cü pilləsində dəyişiklik baş verib. "Zirə" xallarını 26-ya yüksəldərək, həmin mövqeni ələ keçirib. "Sumqayıt" isə 25 xalla beşinci pilləyə düşüb.
Azərbaycan Premyer Liqası, 20-ci tur
27 fevral
AZAL - Neftçi 0:1
Qol: Daniel Seqovia, 4.
Zirə - Sumqayıt 1:0
Qol: Qadze, 35.
