Cənubi Afrika Respublikasının Yohannesburq şəhərində yüzə yaxın şəxs miqrantlara məxsus ticarət obyektlərini talan edib.
Milli.Az APA-ya istinadən xəbər verir ki, insidentin səbəbi və talan edilən mağazaların sayı açıqlanmır.
Hadisə ilə əlaqədar bir nəfərin saxlanıldığı, daha bir neçə nəfərin axtarışda olduğu bildirilir.
Fevralın 24-də CAR-ın Pretoriya şəhərində miqrantlara qarşı kütləvi aksiya keçirilib. Polis kütləni dağıtmaq üçün gözyaşardıcı qazdan və rezin güllələrdən istifadə edib, 150 nəfər saxlanılıb.
Milli.Az
