Çinin "Tianjin Quanjian" klubu Robin van Persiyə elçi düşüb. Fanat.Az xəbər verir ki, holland futbolçunun meneceri dünən klubun rəsmiləri ilə görüşüb.
Lakin danışıqlar müsbət yekunlaşmayıb. Buna səbəb van Persinin istəkləri olub. Belə ki, o, illik 10 milyon avro maaş və 3 milyon avro bonus olaraq 3 illik müqavilə tələb edib. Çin klubu futbolçunun güzəştə getmədiyini görərək danışıqları dayandarıb.
Qeyd edək ki, məşhur italyan futbolçu Fabio Kannavaronun başçılıq etdiyi Çin klubu bundan əvvəl "Borussiya"dan Pyer-Emerik Aubameyanı istəmişdi. Bu transfer dönəmində "Zenit"dən Aksel Vitseli 20, "Vilyarreal"dan Aleksandro Patonu 18 milyon avroya alan "Tianjin Quanjian"ın mövsümün sonunda daha bir ulduz transfer etməsi gözlənilir.
Fanat.Az
