Səhər saatlarında Bakıda zəncirvari qəza tıxaca səbəb olub.
Milli.Az Trend-ə istinadən xəbər verir ki, hadisə paytaxtın Yasamal rayonu ərazisində, Dövlət Statistika Komitəsinin qarşısındakı dairədə baş verib.
"Jeep", "Mercedes" və "Hyundai" markalı avtomobillərin toqquşması nəticəsində dairədə tıxac yaranıb və hazırda ərazidə avtomobillərin hərəkəti çətinləşib.
Əraziyə Yasamal və Nəsimi Rayon Dövlət Yol Polisi əməkdaşları cəlb edilib. Yol polisinin iştirakı ilə avtomobillərin ərazidən uzaqlaşdırılması istiqamətində tədbirlər görülür.
Milli.Az
Digər maraqlı xəbərlər Milli.Az-ın Facebook səhifəsində
