Yanvarın 6-da Bakıda qadına qarşı cinayət törədilib. Lent.az-ın məlumatına görə, Binəqədi rayon sakini, Şövkət Məmmədova küçəsində Gülbahar Hüseynova yaşadığı 6 saylı binanın blokuna daxil olarkən naməlum şəxsin hücumuna məruz qalıb. Soyğunçu qadına 3 bıçaq zərbəsi endirib və əl çantasını götürərək qaçıb.
Lent.az-ın yazarı, tanınmış jurnalist Vüsalə Məmmədova Gülbahar Hüseynovanın onun xalası qızı olduğunu bildirib. Onun sözlərinə görə, xalası qızı axşam işdən qayıdarkən metroda naməlum şəxs onun arxasınca düşüb və blokun qarşısında həmin şəxsin quldur olduğu məlum olub.
Faktla bağlı araşdırmalar aparılır.
