“Kurtlar Vadisi Pusu” yeni mövsümdən etibarən “TRT 1”də göstəriləcək. Artıq bir neçə gündür ki, mətbuatda bu barədə yazılmaqdadır.
Lakin Publika.az-ın Türkiyə mətbuatına istinadən verdiyi xəbərə görə, artıq bu informasiyalar dəqiqliyə qovuşub. Nəhayət ki, Azərbaycanda da maraqla izlənən “Kurtlar Vadisi Pusu”-nun izləyiciləri bir il aradan sonra sevinəcək. Belə ki, yeni mövsümdən etibarən serialın nümayiş olunduğu kanalın adı açıqlanıb.
Bundan başqa, “Kurtlar Badisi Darbe” filmi çəkiləcək və onun da hüquqları dövlət kanalına veriləcək. Serial əvvəlki kimi cümə axşamı günü ekranlara gələcək. Lakin rəsmi müqavilələrin imzalanması ilə bağlı kanal və serialı çəkən şirkət tərəfindən heç bir məlumat açıqlanmayıb.
Serial “Kurtlar Vadisi Darbe” filmi nümayiş olunduqdan sonra, 2017-ci ilin sentyabrından və qaldığı yerdən davam edəcək. “Kurtlar Vadisi Pusu”-da çevrilişə cəhddən sonra baş verən hadisələr və ölkənin son vəziyyəti haqqında məsələlər işlənəcək.
Aytən
