Bakı. 28 fevral. REPORT.AZ/ İqtisadi Əməkdaşlıq Təşkilatının (İƏT) sammiti ilə əlaqədar olaraq Pakistanda təhlükəsizlik tədbirləri gücləndirilib.
"Report" "Associated Press"ə istinadən xəbər verir ki, ölkənin Daxili İşlər Nazirliyi paytaxtda təhlükəsizliyin gücləndirilməsi üçün əlavə polis və hərbi qüvvə cəlb edib.
Xatırladaq ki, 13-cü İƏT sammiti martın 1-də keçiriləcək və sammitdə 10 ölkə təmsil olunacaq.
Sammitdə iştirak etmək üçün Azərbaycan Prezidenti İlham Əliyev Pakistana gedib.