Bakı. 28 fevral. REPORT.AZ/ Futbol üzrə Azərbaycan Premyer Liqasının XX turu çərçivəsində keçirilən "Kəpəz" - "Qəbələ" görüşündə dava düşüb. "Report"un məlumatlına görə, matçın 36-cı dəqiqəsində meydan sahibləri Şəhriyar Rəhimovun qolu ilə hesabı açdıqdan sonra hər iki komandanın üzvləri arasında mübahisə yaranıb.
Lakin tezliklə ara sakitləşib və "Qəbələ" topu mərkəzdən oyuna daxil edib. Ancaq 38-ci dəqiqədə "Qəbələ"nin oyunçusu Nika Kvekveskiri "Kəpəz"in futbolçusu Nicat Qurbanova qarşı kobud oynayıb. Qurbanov ayağa qalxaraq, gürcü futbolçuya sillə vurub. Nəticədə referi Əliyar Ağayev hər iki futbolçuya qırmızı vərəqə göstərib.
Qurbanov oyunu tərk etdikdən sonra tunelə aparan pilləkənlərdə oturaraq, ağlamağa başlayıb. Kvekveskirini isə çətinliklə meydandan çıxarılıb.
Qeyd edək ki, hazırda hesab bərabərdir - 1:1.
