Bakı. 1 mart. REPORT.AZ/ Türkiyədə zəlzələ baş verib.
"Report"un məlumatına görə, bu barədə "Habertürk" xəbər verib.
Xəbərdə bildirilir ki, 4,7 bal gücə malik yeraltı təkanlar Çanaqqala ərazisində qeydə alınıb. Yerli vaxtla saat 02:27-də baş vermiş zəlzələnin episentri Ayvacıqda yerləşib.
Zəlzələ ocağı 7,13 kilometr dərinlikdə qeydə alınıb. Yeraltı təkanlar Balıkəsir və Bursa ərazilərində hiss edilib.
Dağıntı və ya tələfat barəsində məlumat yoxdur.
