Bakı. 1 mart. REPORT.AZ/ Fransanın hüquq-mühafizə orqanları terror qruplaşması üzvləri ilə əlaqədə şübhəli bilinən 3 qızı saxlayıblar.
"Report" xəbər verir ki, bu barədə "Parisien" məlumat yayıb.
Məlumatda bildirilir ki, Uaz departamentinin Krey şəhərində və Yuxarı Reyn departamentinin Myuluz şəhərində saxlanılan qızlar 14-18 yaşlarındadır. Lakin qəzet mənbənin məlumatına əsasən qızların terror aktı həyata keçirməyə hazırlaşmadıqlarını bildirib.
Xəbərdə bildirilir ki, saxlanılanlardan biri - 18 yaşlı gənc 96 saat sorğu-sual ediləcək.
Bundan əvvəl isə "BFMTV" telekanalı Uaz departamentində 18 yaşlı qızın saxlanılması barədə xəbər verib. Həmin şəxsin terror aktı hazırlamaqda şübhəli bilindiyi deyilirdi.
