Uzun müddətdir efirlərə çıxmayan müğənni Samir Bağırov Rusiyanın “ORT1” kanalında Andrey Malaxovun “Pust qovoryat” verilişində qonaq olub. Lent.az-ın məlumatına görə, əməkdar artist Marina Xlebnikovaya həsr edilən verilişdə azərbaycanlı ifaçı yaradıcılığından söhbət açıb.
S.Bağırov “Yalta 1991” müsabiqəsində Marina ilə bir səhnədə çıxış etdiyini deyib. Onun bu sözlərinə Marina "Yarışmada Samirlə eyni yeri tutduq, ikinci olduq. Mən tez-tez Bakıya gəlirəm, biz görüşürük"- deyə bildirib.
Qeyd edək ki, S.Bağırov Azərbaycan telekanallarına çıxmaqdan imtina edib. Belə ki, ona bir neçə veriliş dəvət göndərsə də, “yox” cavabını alıb.
