Bakı. 1 mart. REPORT.AZ/ Qazaxıstandakı üç neft emalı zavodunun yenidən qurulmasından sonra ölkədə neft emalının həcmi ildə 17,5 milyon tona çatacaq və özünün neft məhsulları ölkəni tam təmin edəcək.
"Report" TASS-a istinadən xəbər verir ki, bu barədə Qazaxıstanın energetika naziri Kanat Bozumbayev nazirliyin kollegiyasında çıxışında bildirib.
"Dövlət başçısı müraciətində neft emalının həcmini artırmağa xüsusi diqqət göstərilməsini tapşırıb. 3 zavodu tam müasir şəkildə təmir edib istifadəyə verdikdən sonra 2019-cu ildə neft emalı həcmi ildə 14,5 milyon tondan 17,7 milyon tona qədər artacaq", - nazir vurğulayıb.
