Sosial media nəhəngi "Facebook" istifadəçilərin saytın canlı yayım funksiyasından istifadə edərək, insanların gözü önündə intihar etmələrinin qarşısını almaq üçün ciddi tədbirlər planlaşdırır.
Metbuat.az bildirir ki, belə hal baş verdikdə, "Facebook"-un işçi heyəti intihara cəhd edən şəxsin yaxınlarına və ya müvafiq qurumlara xəbər göndərəcək. Buna uyğun olaraq, intihara cəhd edən şəxsin monitorunda əlaqə yarada biləcəyi adamlar və təşkilatlar haqda informasiya əks etdiriləcək. İntihara cəhd və özünə zərər vurmağa meylli paylaşımların dərhal təsbit edilməsi yönündə də işlər görüləcək.
Orxan / Metbuat.az
