24 məhbus Azərbaycandan İrana göndərildi

24 məhbus Azərbaycandan İrana göndərildi
21:38 2 Mart 2017
114 Ölkə
Ölkə mətbuatı
A- A+

Azərbaycan həbsxanalarında olan 24 iranlı məhbus cəzalarının qalan hissəsini vətənində çəkmək üçün bu gün Astara sərhəd keçid məntəqəsi vasitəsi ilə İrana ekstradisiya olunub.

Publika.az xəbər verir ki, bunu Astara şəhər cəzaçəkmə müəssisəsinin rəhbəri Mehran Şikari deyib.

M.Şikari deyib ki, artıq 23-cü dəfədir ki, Azərbaycan və İran arasında məhkumların ekstradisiyası baş tutur. “Bu məhbuslar İranın Azərbaycandakı səfirliyinin səyi nəticəsində iki ölkə arasında məhkumların ekstradisiyasına dair müqaviləyə əsasən İrana təhvil verilib. Təhvil alınmış məhbuslar karantin müddəti və qanuni prosedur başa çatdıqdan sonra aidiyyəti quruma təhvil veriləcək”.

O deyib ki, Azərbaycandan İrana ekstradisiya olunan məhbusların əksəriyyəti narkotik maddələrlə bağlı ittihamlarla həbs olunublar. “Hazırda Azərbaycan cəzaçəkmə müəssisələrində 170 iranlı məhkum həbsdədir”.

M.Şikari əlavə edib ki, Azərbaycan və İran arasında məhkumların mübadiləsinə dair saziş 1999-cu ildə imzalanıb. İndiyədək qeyd olunan saziş çərçivəsində Astara sərhəd keçid məntəqəsi vasitəsi ilə 456 məhbus ekstradisiya olunub.


Xəbərin orijinal ünvanı: http://publika.az/news/hadise/189944.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR