İspaniya La Liqasının XXV turunun "Deportivo" - "Atletiko" oyununda həyacanlı anlar yaşanıb. Fanat.Az xəbər verir ki, Madrid klubunun ulduzu Fernando Torres ölümdən döünb.
Belə ki, qarşılaşmanın 86-cı dəqiqəsində Aleks Berqantinosun başına zərbəsi ilə bir anda huşunu itirən oyunçu yerə yıxılıb. Torresə əvvəlcə komanda yoldaşları, sonra həkimlər yardım edib.
Kənara gələrkən azarkeşlərin alqışları ilə dəstəklənən oyunçunun huşsuz yatdığı vaxtlarda komanda yoldaşı Ximenezin çox narahat olduğu, “Deportivo”lu Fəcrin isə dua etdiyi görüntülərə düşüb.
Qeyd edək ki, boyunluq taxılan oyunçu stadiondan bir başa xəstəxanaya aparılıb.
Onu da qeyd edək ki, oyun 1:1 hesabı ilə yekunlaşıb.
Fanat.Az
