Britaniyanın ən məşhur aktrisalarından biri, Hollivud ulduzu, Tilda Suinton kimi tanınan Ketrin Matilda Suinton of Kimmergeym yeni filmə çəkilir.
Milli.Az TMZ-yə istinadən bildirir ki, filmin çəkiliş meydançasında 56 yaşlı aktrisanı tanımaq mümkün deyildi. Peşəkarcasına qrim və makiyaj Tilda Suintonu ahıl, ən azı 75-80 yaşlı qoca kişiyə "çevirib".
Almaniyanın paytaxtı Berlində, Markos Tanz Rəqs Akademiyasının binasının önündə aparılan çəkilişlərdə o, reportyorlara fikir verməyərək rejissorun göstərişlərini yerinə yetirib.
Film 1977-ci ildə çəkilmiş italyan "Suspiria" lentinin rimeykidir.
Rejissoru Luka Quadanyino olan yeni lentdə Dakota Conson, Mia Qot və Xlo Qreys Morets də çəkilirlər.
Milli.Az
Digər maraqlı xəbərlər Milli.Az-ın Facebook səhifəsində