İraqın Mosul əyalətinin Sincar rayonunda terrorçu PKK qruplaşmasının üzvləri ilə Suriyadan olan kürd silahlıları (peşmərgə) arasında baş verən atışma nəticəsində 5 terrorçu məhv edilib.
Milli.Az report-a istinadən xəbər verir ki, hər iki tərəfdən çoxlu sayda yaralı var.
İnformasiyaya əsasən, 500 kürd silahlısı ötən gün Suriya ilə İraq sərhədində yerləşən Sinune-Hanesur rayonuna yerləşdirilib.
Qeyd edək ki, terrorçu PKK qruplaşması Sincarda da düşərgə qurub. İraqın şimalındakı kürd muxtar hökuməti terrorçuların bu hərəkətinə etiraz edir.
Milli.Az
Digər maraqlı xəbərlər Milli.Az-ın Facebook səhifəsində