Dünyanın ən zəngin 10 ölkəsi müəyyənləşib

Dünyanın ən zəngin 10 ölkəsi müəyyənləşib
14:32 3 Mart 2017
Ölkə mətbuatı
A- A+

Bakı. 3 mart. REPORT.AZ/ Dünyanın ən zəngin 10 ölkəsinin bəzilərinin karbohidrogen ehtiyatlarına sahib olduqları bildirilir. "Report" "Vestifinance.ru" saytına istinadən xəbər verir ki, siyahı "Global Finance" aylıq maliyyə jurnalı tərəfindən tərtib edilib. 
Araşdırmaya görə, dünyanın adambaşına düşən gəlirə görə ən zəngin ölkəsi Qətərdir. Bu ölkədə ÜDM-in 50%-i neft-qaz ixracından əldə edilir və adambaşına gəlir 129 512 ABŞ dolları təşkil edir. İkinci sırada Lüksemburq (100 991 dollar) qərarlaşıb. Bu ölkə ofşor zonalar və münbit investisiya mühiti ilə məşhurdur. Üçüncü sıranı kazinoları ilə məşhur olan Makao (87 845 dollar) tutub. Sonrakı yerləri Sinqapur (86 854 dollar), Bruney (77 662 dollar), Küveyt (70 587 dollar), İrlandiya (69 374 dollar), Norveç (69 031 dollar), Birləşmiş Ərəb Əmirlikləri (67 947 dollar) və San-Marino (64 465 dollar) bölüşür. 
Göründüyü kimi,  adambaşı gəlirə görə ən zəngin 10 ölkə arasında 5 ölkə neft-qaz ehtiyatları hesabına varlanıb. 

Xəbərin orijinal ünvanı: https://report.az/maliyye/dunyanin-en-zengin-10-olkesi-mueyyenlesib

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR