ABŞ-lı aktrisa Ceyn Fonda "EDIT" jurnalı üçün həmkarı Brie Larsona müsahibə verib.
Milli.Az Milliyet-ə istinadən xəbər verir ki, 1971-ci ildə "Klute" və 1978-ci ildə "Coming Home" filmlərindəki performansına görə 2 dəfə "Ən yaxşı qadın aktrisa" "Oskar"ını qazanan Ceyn Fonda uşaq yaşda zorlandığını etiraf edib.
Rəhbəri ilə cinsi əlaqəyə girmədiyi üçün işdən çıxarıldığını etiraf edən 79 yaşlı aktrisa: "Təcavüzə uğradım, rəhbərimlə əlaqəyə girmədiyim üçün işdən qovuldum və başıma gələnlərin öz səhvim olduğunu düşündüm", - ifadələrini işlədib.
Qadın haqları üçün çalışan 3 uşaq anası Fonda fikirlərinə "1950-ci illərdə böyüdüm və feminizmi həyatıma daxil etmək xeyli vaxt aldı" sözlərini əlavə edib.
Məhəmməd Vaqif
Milli.Az
Digər maraqlı xəbərlər Milli.Az-ın Facebook səhifəsində 
