Goranboy rayonu, Faxralı kəndində Təhsil Nazirliyinə məxsus olan və hazırda fəaliyyət göstərməyən orta məktəb yanıb. Lent.az-ın Fövqəladə Hallar Nazirliyinin rəsmi saytına istinadən verdiyi məlumata görə, yanğın ümumi sahəsi 1100 kv.m olan birmərtəbəli məktəb binasının dəhlizini əhatə edib və yanar konstruksiyalar 20 kv.m sahədə yanıb.
Məktəbin qalan hissəsi yanğından mühafizə olunub. Yanğın saat 03:50-də yanğınsöndürənlər tərəfindən söndürülüb.
