Ermənistana rəsmi səfər gələn Rusiya Dövlət Dumasının
sədri Vyaçeslav Volodinin rəhbərlik etdiyi nümayəndə heyətinin
tərkibində Krımın və Krasnodar parlamentlərinin sədrləri də
var.
Publika.az xəbər verir ki, V.Volodin İrəvanda Serj
Sarkisyanla görüşüb və hər iki ölkənin parlamentləri arasındakı
əməkdaşlıq məsələləri müzakirə olunub.
Lakin nümayəndə heyətinin tərkibində Krım parlamentinin sədrinin də
olması diqqət çəkir. Çünki Qərb Krımın ilhaqını tanımır və Rusiya
ilə əsas qarşıdurma da məhz buradan başlayıb. Rusiyanın Krımın
parlament sədrini İrəvana göndərməsi bu kontekstdə diqqət çəkir.
Çünki Ermənistan Krımın işğalı ilə bağlı BMT qətnaməsinə qoşulmasa
da, yarımadadakı rejimi tanımır.
“Lragir” saytı yazır ki, Rusiya İrəvan-Simferopol (Krımın paytaxtı
- red.) reysi açmaq niyyətindədir. Lakin bu təşəbbüs Ermənistanda
etirazla qarşılanıb: “Görünür, Rusiya Krım parlamentinin sədrini
İrəvana göndərməklə, Sarkisyana 14 martda Moskva səfərindən öncə
“sürpriz” edib”.
Sayt qeyd edir ki, Rusiya bu addımla Krım-Ermənistan
münasibətlərini legitimləşdirir.
“Güman ki, Ermənistanın Krımla əlaqələr qurması məsələsi Moskva
səfərində Sarkisyandan tələb ediləcək”, - deyə erməni saytı
bildirir.
Asif
