Xəbər verdiyimiz kimi prezident İlham Əliyev Azərbaycan qadınlarının təltif edilməsi haqqında sərəncam imzalayıb. Sərəncamda qeyd olunur ki, Azərbaycanın ictimai həyatında səmərəli fəaliyyətlərinə görə, 8 mart – Beynəlxalq Qadınlar günü münasibətilə müğənni Xumar Qədimova Əməkdar artist adına layiq görülüb.
İfaçı Publika.az-a təəssüratlarını bölüşüb. O, çox sevindiyini və həyəcanlı olduğunu bildirib:
“Xəbərimiz yox idi, gözlənilməz oldu. Əlbəttə ki, çox sevinirəm. 8 martda mənə bundan gözəl hədiyyə ola bilməzdi. Cənab prezidentimizə dərin minnətdarlığımı bildirirəm”.
Onu da qeyd edək ki, Xumar Qədimova sözügedən sərəncamda əməkdar artist adına layiq görülən yeganə ifaçıdır.
Aytən