Gəncə. 3 mart. REPORT.AZ/ Gəncə şəhərində yanğın hadisəsi olub.
Fövqalədə Hallar Nazirliyinin Gəncə Şəhər Yanğından Mühafizə İdarəsindən "Report"un Qərb bürosuna verilən məlumata görə, hadisə axşam saatlarında, şəhər sakini, 1941-ci il təvəllüdlü Ağaməmməd Mehdiyevə məxsus 3 otaqlı evdə baş verib.
Belə ki, ümumi sahəsi 105 kv/m olan evin 1 otağı və dam örtüyü yanaraq külə dönüb. Hadisə yerinə gələn yanğınsöndürənlər alovun daha da genişlənməsinin qarşısını alıb.
Yanğın zamanı xəsarət alan olmayıb.
Hadisənin başvermə səbəbləri araşdırılır.