Haitinin sabiq prezidenti Rene Preval 74 yaşında vəfat edib.
APA-nın Reuters agentliyinə istinadən verdiyi xəbərə görə, onun qəflətən ürəyi dayanıb.
R.Preval iki dəfə, 1996 və 2006-cı illərdə Haitinin prezidenti seçilib.
1943-cü ildə anadan olan R.Preval Belçikada təhsil alıb, ötən əsrin 70-ci illərində Nyu-Yorkda yaşayıb. 1975-ci ildə vətəninə dönərək ictimai-siyasi fəaliyyətə başlayıb.
